بندرية لطم نسوان
منذ ٣ أسابيع٩١٦مشاهده
بندرية لطم نسوان مكتوبة
الرادود خضر عباس
نريد اليوم نلطم لطم نسوان
طاح اعله الشريعه بدر عدنان
المن رايديهن ذني الجفوف
والعباس طاحن منه جفين
(اليوم جفينه...... توسم صدورنا. اليوم جفينه)
صوت من الشريعه تصيح الناس
سلبنه الدرع والجود والطاس
وزينب من خيمهه وسمعت الصوت
بس حسين ضل ومات عباس
(گوم لخيامك....... يردنك خواتك گوم لخيامك)
والعباس گله اعذرني من هاي
انا الواعدت سكنه ع الماي
گلهم مستحي العباس ويگول
طاحت جربتي ويسرتي ويمناي
(خوية اعذريني...... كل لزينب اختي خوية عذريني)
گام حسين عنه وظهره مكسور
واليفگد مثل عباس معذور
راد يعوف كلشي ويبقى ويا
بس لازم يرد للخيم مجبور
(وين حزام ظهرك..... هايبو سكينه وين حزام ظهرك)
گاللهن يعلويات ضل غاد
جسمه اعله الشريعه توزع مراد
راد العذر من زينب والعيال
كتله وبعد مات وكلشي ماراد
(سهم البعينه ....فلش راس گلبي سهم البعينه)
مايكدر يگوم بعيده الخيام
كل عباس يختي اعله النهر نام
شبگته وبس اديه تلاگت ويا
المسافه البيني وبين جسمه السهام
(هوسوا بيها .......رايتنه يزينب هوسوا بيها)
عفت الراية بيها العسكر يطوف
جبت جفوف اخوية وبست الجفوف
متروسات دم وتراب ع الگاع
دم الهم وي حسين معروف
(عگب جفينك ......جتف البين طگنه عگب جفينك)
حسين يسولفلهن عن الزنود
وهن من اللطم ماخلن خدود
لو ندري باخونه يموت ع الماي
نتحمل عطش ونشگگه الجود
(تشمتوا بينه...... من طاح الكافلنه تشمتوا بينه)
طلعن على ظهور الهزل مسبيات
وليه انولن يمحمد العلويات
وينك ياشريده هلي وخواني
يمحمد تعال وياي بس اني
احجي وي الغريب ويكصر اللساني
بس انت النخيتك ماردت ثاني
(مات واليهن....... يمحمد خواتك مات واليهن)
تمشي اطفالنه ومحد يركبهم
اذا تعبوا يجيب السوط يضربهن
يمحمد يسب حسين ويسبهم
لو عباس جا زين شواربهم
(مو بس شواربهم ....يگطع روسهم مو بس شواربهم)
يمحمد تعال وشوفها شبيها
كتلتني رقية تريد واليها
زركه امتونها وخلصت بواجيها
سلبوا منها والدها وتراجيها
(طشرة الحافر....مااكدر اكلهه طشرة الحافر))
ياخوية تعال اليوم خيال
انا وياك بلكي نلم العيال
محد يحترمنا بغير رجال
ويانا بس عليل وحرم واطفال
(لحك اعلينا...حيهم يابوجاسم لحگ اعلينا)
مايوصل الصوت من ارد احاجبك
اعرف ماتجينا ولا نتانيك
بس يمحمد بهاي ارد اذيك
طبينه القصر ماجذب اعليك
( طبت الديوان....زينبكم تراها طبت الديوان)
التعلیقات