رغم الهجر
منذ ١١ سنة٥٤٧مشاهده
الشاعر : زيد علي العبندي
رغــم الــهـجـر... راح أنـتـظـر
يـالـعـفـتوني... لو تنسوني... ما أنساكم
******
يـا من مشيتوا إبراحله و إقطعتوا إفجوج الفله
لـو عـنـي ناشدتوا أنا الطفله العليله المعوله
إعـلـه الدرب طالت وقفتي إيرد الطعن أتأمله
ذبـلـت حياتي و أصبحت مثل الورود الذابله
شـال الـضـعـن ... و آنـه إبـشـجن
زايـد روعي... تجري إدموعي... و أترجاكم
يـالـعـفـتوني... لو تنسوني... ما أنساكم
******
عـفتوني للهم و المرض حزنه و كئيبه و خايفه
تـانيت من عدكم خبر و لا طارش المنكم لفه
مـنـكـم تعودت الوفه و لا ما تعودت الجفه
لـو إنـتو ما إلكم مرد يهلي عله الدنيه العفه
إشـيـسـوه الـعـمـر... لـيـش أنتظر
كـل آمالي ... و عمري الغالي... راح إوياكم
يـالـعـفـتوني... لو تنسوني... ما أنساكم
******
حـين الذي شفت الضعن راح بأبويه و إخوتي
بيدي إهدمت بيت الفرح و شيدت مأتم حسرتي
عـبدالله و حسين و قمر هاشم و زينب عمتي
هـذي صورهم شاخصه إقبالي و تجدد لوعتي
إتــمـر إبـقـهـر... هـاي الـصـور
آنـه الحزنه... و يا ريت أفنه ... و لا فرقاكم
يـالـعـفـتوني... لو تنسوني... ما أنساكم
ِ******
عـفـتوني إبليلة هضم و محد عن أحوالي سأل
إبـذاك الضعن حته الطفل عبدالله وياكم رحل
ظـلـيت أنا و علتي و اللوعه و الغم و الأجل
الليله إحفرت بيدي قبر و بيه إدفنت كل الأمل
و بـهـالـقـبـر ... إدفـنـت الـصـبر
نـافذ صبري ... أعلم و أدري ... ما ألقاكم
يـالـعـفـتوني... لو تنسوني... ما أنساكم
******
أتـشكه إلمن يا هلي و الشكوه ما ظن تنسمع
مـالي درب إلا النحيب و مالي أنيس إلا الدمع
إتـحسبوني أنسه و أستقر و أتأقلم إبهذا الوضع
منساكم و أقسم قسم بالزهره و بكسر الضلع
قــلــبــي يــحـن ... و آنـا أون
قـلـبي إملوع... منهو اليسمع... لو ناداكم
يـالـعـفـتوني... لو تنسوني... ما أنساكم
التعلیقات