يا ساكنا كربلا

يا ساكنا كربلا
آتاك رب العلا
من رأس خير الملا
جرحا وقد أبكاك فاصبر بما آتاك
ياحسين ياحسين ياحسين ما أعلاك

عظملك الله الأجر
يبن الذي بالفجر
راسه انطبر وانصاب
يوم اللي صلى او ركع
تالي ابسجوده انصرع
او دمه ابمشيبه اخضاب
يا وارث اعظم جرح
اكتاب الله چن منفتح
وادمومه بالمحراب
الجرح اللي تستارثه
رب العلا امحدثه
عنك حديث امصاب
لو لا علي لما
ثوبا كستك الدما
يا داميا قد سما
في الأفق لون دماك فاصبر بما آتاك
ياحسين ياحسين ياحسين ما أعلاك

ال فرضه علي من برز
وگفتله حتى الإوز
چن تدري بي مغدور
الباب ابفتحته امتنع
اگبال اللي چفه قلع
باب الكفر والجور
والعنده بعد النظر
يدري المصيبه أمر
لو يكشف المستور
يحسين سيف العدو
لو صاب راس الأبو
يفتح جرح عاشور
هذا الذي قد جرى
حين الشقي اجترا
فدمين قد أهدرا
واهتاجت الأملاك فاصبر بما آتاك
ياحسين ياحسين ياحسين ما أعلاك

شاء الإله العلي
يحسين تورث علي
او يتشابه الترتيب
يدري ابعدوه اشنوه
او تدري انته عن نينوه
عن مدركك متغيب
من داره لمن طلع
شد الحزم ما جزع
رغم الممات اگريب
وانته اعله هالشاكله
موتك ورا القافله
وايحوم حوم الذيب
كل غدا عارفا
بجميع ما قد خفى
جرح وحز القفا
الموت لا يخفاك فاصبر بما آتاك
ياحسين ياحسين ياحسين ما أعلاك

جبريل ضج بالسمه
ناده ابعلي امهدمه
من الهدى الأركان
بالكوفه لاح الخطر
زينب فجعها الخبر
بس ابخدر تنصان
هذا النداء اختلف
يوم اللي دمك نزف
وانته على التربان
الميمون يبچي او يضج
رد الها ملوي السرج
وابعرفه دمك چان
ودعا الصهيل اندبي
يا أخت سبط النبي
وبتلها الزينبي
برزت وأين تراك فاصبر بما آتاك
ياحسين ياحسين ياحسين ما أعلاك

عودك علي امن انطبر
ابراسه الجرح والحذر
محمول لا ينشاف
گلبه اعله زينب خشه
نزلوني گال او مشه
واتسنده الأكتاف
بس من طحت عالثره
ركضتلك امعثره
شافت عليك اسياف
رايد ترد للأهل
لاچنها رادت تظل
عالثاني ياهو ايخاف ؟
شرا عيون الظبى
ترنو لنحر الإبا
ومناجيا متعبا
ربي رضا برضاك فاصبر بما آتاك
ياحسين ياحسين ياحسين ما أعلاك

اببدر او حنين اشعمل
واشسوه خير العمل
وايطالبوك ابدين
اصدور العده تغتلي
كل هذا بغض ابعلي
آلاف محتشدين
حتى ابن ملجم رجع
فك اللثام او طلع
هذا الشمر يحسين
يوم القيامة استعد
حين اعله صدرك گعد
آه اشجره ابهالحين
مذ جاء شمر الخنا
إما تزول الدنا
أو تفتدي ها هنا
دينا فنى لولاك فاصبر بما آتاك
ياحسين ياحسين ياحسين ما أعلاك

حتى علي ابموتته
يجري إلك دمعته
وابكربله ايواسيك
لو عظم راسه انهشم
يا عظم منك سلم
واخيولهم توطيك
مو كافي ذبحك بعد
گالوا نرض الجسد
لا ما تشفوا بيك
انچان الذبح بي ألم
يحسين ضرب الحرم
أصعب واشد اعليك
والزجر زجرا قسى
ومتون تلك النسا
صارت شهود الأسى
تدمى إذا تنعاك فاصبر بما آتاك
ياحسين ياحسين ياحسين ما أعلاك

الطبره اللي ضمها الوصي
ماتنعد او تنحصي
او زينب عليك اتنوح
اشگد قاسي هذا الحدث
ايجيبوها صوب الجثث
واتشوف كثره اجروح
الأكبر علي ابطبرته
شابه علي او هامته
دمهم غدر مسفوح
جسام راسه انجسم
عباس راسه انهشم
او عگبه سبيه اتروح
كالنجم لما هوى
والكف عند اللوا
بالسبي حان النوى
تهدى لشر عداك فاصبر بما آتاك
ياحسين ياحسين ياحسين ما أعلاك

منهو ال علوك وصل
وتر الله مالك مثل
واحد بلا أنداد
عكس البشر تنصرع
فوگ المجد ترتفع
يا جامع الأضداد
عطشان تروي المهج
مايظمه من انتهج
نهجك يبو السجاد
مسلوب وابلا لبس
بس تكسي عزة نفس
للگصتك وفاد
بوركت من مقصد
وفاده تهتدي
للمرقد الأمجد
حيث احتوى أشلاك فاصبر بما آتاك
ياحسين ياحسين ياحسين ما أعلاك